Utata nu mama bakiza ku Lilongwe pakwenya twe bana na bizukulu babo. Nkhabitizga bo neny'a ukuti une nthanga kwaniska kuuka ku Chitipa pa holide iya mu November.Bakikala nuswe usabata weka ndipo twebosi tukahowoka nkhani pa kukumana sona. Bope bafwe bakahowoka nkhani nkhaninkhani pakwangala na bizukulu sona nukwendera abayemba bane na bazuna mu Lilongwe na ku Mzimba.
Mumenye ulo bosongo bope baghanitemo ukwenda...Nu kumoghela!
Bakaya bendera sona abakaya bamo aba mu Lilongwe. Nkhalawa sona uwamwtu u Kayunga Munyenyembe kuti atusindikire pa galimoto yake
kuti utata nu mama beny'epo amalo ghamo mu Lilongwe City.Bo biza mu Lilongwe nkhabaghuzga ukuti une inthi mbuke ku Chitipa panthazipo apo nanthi Uchala itikizga sona nanthi nagha amakopala nakawaliro. Imbombo nyingi lukulu.
Loli nanthi nauka nkhuyapangwangala nu kumweny'a usekulu wane u Tumalane yo akukutamo.
Utata nkhamuchebera chifukwa nkhauka nawe ku chipatala icha private kuti baye bamupime. Umwene na ma akindakinda leka ku chipatala po akingi nanthi abina akakanagha kuya ku chipatala nu kungw'a ulo amalembo gha mama.
Bo tafwika ku The Clinic mu Lilongwe, bakagha kuti i blood pressure lyake ili high leka. Bakamkalipiramo lori chifukwa nkhabauzga a badoctor kuti bwila atalonda hagha kuya ku chipatala.
Lori pano akungw'a malembo po akuti bati bwepe akwaghako akiza. Ali ku kaya ku Katutula pa Chitipa pa boma.
Nh'owokite nkhani pa kwingira mu 2009 ni mbumba yane.
