Ko une Nfumite

Mwebaya mwe munhowokere chifukwa utuma pikichala to ndinato totunutu mphera utwa basekelu bane. Tukajambuliwa kale nalori, kamo aka bakuti bakajambula mu 1968, kamo ako nthakumanaya hagha pamo mu 1950. Chimo chili panthenthe apo cha mu 1996. Twachitite ulo scan.

Une nimwizukulu uwa Dododo Donald yo akafuma mwa naLukali kwi Ichinga, Chitipa. Usekulu yo akamanyikwa nilya Panja Kaonga wakwa Mgunda mwi Ichinga munthenthe mwake muli u Songwe yoakupakana nu Tanzania.

Usekulu akegha uNaMbukwa mu akapapamo u awana wawiri u Masubizgo nu (bati naluvya). Usekulu u Dododo akafwa mu 1992 ndipo u Namulungu akafwa mu 2000 (nanthi nthakupuvya). Utata wane uMleya Before akafuma mwa Malita (Martha) naMulungu.

Utata wane wi katote kwa naMulungu lori atakukumbuka kuti akapapiwa chinja chiki nangauli akusimba kuti officially akawako mu 1943 kwi Ichinga ndipo akakulira kulakula mpaka awa mulumendo. Tuwaliro tumo akaya ikalapo ku Tanzania.

Isukulu akamanyilira pi Ichinga. Umuyemba wake we Yumbe lori akatuleka mu 1965. Utata wane akanda imbombo mu Forestry mu 1966 bo ali ku Mzimba. Pa 26 September 1966, akaya akwatiska nu Seba naMwanja pa Ifumbo CCAP, Chitipa.

Umama wane akapapiwa mu 1948 kwa Lameck Tumalane Mwanja nu Mary (Nalungwe). Yo Tumalane akayapo lumo ku Johannesburg ku migodi mu 1945. UNalungwe akafwa mu 1996.

UTumalane wa pa Kapembe kwi Ichinga. Umwene amanyikwite leka chifukwa chambombo ya Wenela pa Mzimba boma po akaombera mpaka mu chaka cha 1983 po akatuzga.

UMwanja akegha imphali nu naMbeye. Ku Chitipa uTumalane atchukitepo chifukwa cha vigayo pa Kapembe sona popasila iya ku Tanzania kwendera pa Songwe.

UTumalane akapapiwa pa 3rd August mu 1923 kwa unaMusyani. Umama wane u Seba wikatote kwa Tumalane nu Mary.

USeba akapapiwira pa Kaseghe Mission Hospital pa Chinukha ndipo akakulira ku Chitipa, Mzimba, Mchinji nu Dowa ko usekulu akaomberagha imbombo. Useba akaya amanyipo mu 1962 pa yo pano yikumanyikwa kuti Ludzi Girls Secondary School. Pano malire panapa.