Zagha Twangale pano

Musanyuwu ninong'ona ulo kuti nandeko pa kusimba mu vineno vya ku Chitipa, ku Malawi. Kawaliro akingi nkhusimba muChingerezi cho neny'a kuti inga chiza lori chitanganyavwa bwila. Ndi nacho ichineno chitu cho chope nge ningaghela pakusimba pa intaneti pano. Sona ndi nawakaya awingi wo watakuwerenga iChingerezi.

Po pa bulogi iyi inthi simbaghe ivya kukaya ku Chitipa. Nenele zila kuti une nthakulire ku Chitipa lori manyile ulo ineno iyi mu nyumba mwitu kwa tata, umama na wakamu.

Menye iti nsimbe mu ChiLambya ndi Chindale akingi. Lori mutubaliro tumo inthi simbaghe mu Chitumbuka. Chope ntchimenye nalori chifukwa nikala leka ku Rumphi.

Ku Chitipa kokukaya ko nendako akingi ulo kwanda mu chinja cha 1984 ponkhawa mu standard 7.

Iti nsimbe akiza panthazi apa izya ko une nfumite. Lori nahowoka leka po nagha ulusako ulwakuti ningasimbagha pa intaneti pano. Ivi vinthu vyambula kulipira po nthamiweki, nati ih nsimbaghe.

Intingele leka kusimba ivya kuumi wane, lumo iti mbikaghepo amazyo gha Chala. Lumo iti nenaghe ivya ifuko lyitu. Pali utwingi nalori to intingere kusimba.

Sona cho itingere nkhani kokuwika ivithuzithizi ivya uumi wa ku Chitipa.

Wesi wakupokelereka kusimbapo inyinong'ono zginyu. Une nasekela nalori. Uchala awasaye.